Siyensikat 06 EP 1 : Bata, Bakhaw, Bukas
Sa puso ng Del Carmen, Siargao matatagpuan ang pinakamalawak na mangrove forest sa buong Pilipinas—isang buhay na depensa laban sa unos at tahanan ng napakaraming uri ng hayop at halaman. Pero higit pa sa likas na yaman, dito natin makikita ang kakaibang ugnayan ng tao at kalikasan.
Sa episode na ito ng Siyensikat, saksihan kung paano nagkakaisa ang LGU ng Del Carmen, mga eksperto mula sa DOST-NRCP, at mismong mga residente upang bigyang-halaga at protektahan ang kanilang mangrove forest. Mula sa mga dating nakadepende sa illegal fishing hanggang sa mga bagong kabuhayan gaya ng eco-tourism, hanggang sa mga kabataang natututo gamit ang science videos, workbooks, at mobile games—lahat ay bahagi ng isang mas malawak na kwento ng pagbabago at pag-asa.
Alamin kung paano nagiging inspirasyon ang agham at komunidad para sa mas ligtas, mas matatag, at mas maunlad na hinaharap. Sabado | 9:00 AM | GTV | Super Radyo DZBB 594khz FB Live: Super Radyo DZBB 594khz
#OneDOST4U #DOSTv #Siyensikat
Recent Post
